Firaq - Chhalak Ke Kam Na Ho Aisi Koi Sharaab Nahin

 
Chhalak Ke Kam Na Ho Aisi Koi Sharaab Nahin
Nigaah-E-Nargis-E-R'anaa Teraa Javaab Nahin

Zamin Jaag Rahi Hai Ki Inqalaab Hai Kal
Vo Raat Hai Koi Zarraa Bhi Mahv-E-Khvaab Nahin

Zamin Us Ki Falak Us Kaa Qaayanaat Us Ki
Kuchh Aisaa Ishq Teraa Khaanma-Kharaab Nahin

Jo Tere Dard Se Maharoom Hai Yahaan Un Ko
Gham-E-Jahaan Bhi Sunaa Hai Ki Dast-Yaab Nahin

Abhi Kuchh Aur Ho Insaan Kaa Lahoo Paani
Abhi Hayaat Ke Chehre Pe Aab-O-Taab Nahin

Dikhaa To Deti Hai Behtar Hayaat Ke Sapne
Kharaab Ho Ke Bhi Ye Zindagi Kharaab Nahin

-------------------------

Post a Comment

0 Comments

–>