Josh - Soz-E-Gham Deke Mujhe Us Ne Ye Irshaad Kia



Soz-E-Gham Deke Mujhe Us Ne Ye Irshaad Kia
Jaa Tujhe Kash-Ma-Kash-E-Dahar Se Aazaad Kia

Wo Karen Bhi To Kin Alfaaz Men Teraa Shikawa
Jin Ko Teri Nigaah-E-Lutf Ne Barbaad Kia

Dil Ki Choton Ne Kabhi Chain Se Rahane Na Diyaa
Jab Chali Sard Hawaa Main Ne Tujhe Yaad Kia

Aise Men Main Tere Taj-Takalluf Pe Nisaar
Phir To Farmaaye Wafaa Aap Ne Irshaad Kia

Is Ka Ronaa Nahin Kyon Tumne Kia Dil Barbaad
Is Ka Gham Hai Ki Bahut Der Men Barbaad Kia

Itnaa Maasoom Hoon Fitrat Se, Kali Jab Chataki
Jhuk Ke Main Ne Kaha, Mujh Se Kuchh Irashaad Kia

Meri Har Saans Hai Is Baat Ki Shaahid-E-Maut
Main Ne Har Lutf Ke Mauqe Pe Tujhe Yaad Kia

Mujhako To Hosh Nahin Tumako Khabar Ho Shaayad
Log Kahate Hain Ki Tumne Mujhe Barbaad Kia

Wo Tujhe Yaad Kare Jisne Bhulaayaa Ho Kabhi
Ham Ne Tujh Ko Na Bhulaayaa Na Kabhi Yaad Kia

Kuchh Nahin Is Ke Siwa 'Josh' Hareefon Ka Kalaam
Wasl Ne Shaad Kia Hijr Ne Naashaad Kia

------------------------

Post a Comment

0 Comments

–>