Majaz - Aashiqi Jaan-Fizaan Bhi Hoti Hai

Aashiqi Jaan-Fizaan Bhi Hoti Hai
Aur Sabr-Aazma Bhi Hoti Hai

Rooh Hoti Hai Kaif-Parwar Bhi
Aur Dard-Aashna Bhi Hoti Hai

Husn Ko Kar Na De Yeh Sharminda
Ishq Se Yeh Khata Bhi Hoti Hai

Ban Gayi Rasm Baada Khwaari Bhi
Yeh Namaaz Ab Qaza Bhi Hoti Hai

Jis Ko Kehte Hain Naala-E-Barham
Saaz Mein Woh Sada Bhi Hoti Hai

Kya Bata Do Majaaz Ki Duniya
Kuch Haqiqat-Numa Bhi Hoti Hai

 ----------------