Majaz - Junoon-E-Shauq Ab Bhi Kam Nahin Hai

Majaz - Junoon-E-Shauq Ab Bhi Kam Nahin


Junoon-E-Shauq Ab Bhi Kam Nahin Hai
Magar Vo Aaj Bhi Barham Nahin Hai

Bahut Mushkil Hai Duniyaa Kaa Sanvaranaa
Teri Zulfon Ke Pech-O-Kham Nahin Hai

Bahut Kuchh Aur Bhi Hai Jahaan Men
Ye Duniyaa Mahaz Gham Hi Gham Nahin Hai

Meri Barbaadiyon Ke Ham-Nashinon
Tumhen Kyaa Khud Mujhe Bhi Gham Nahin Hai

Abhi Bazm-E-Tarab Se Kyaa Uthoon Main
Abhi To Aankh Bhi Pur-Nam Nahin Hai

'Majaz' Ek Baadaakash To Hai Yaqinan
Jo Ham Sunate The Vo Aalam Nahin Hai

      ---------------------------

Post a Comment

0 Comments

–>