Majaz - Kuchh Tujh Ko Khabar Hai Ham Kyaa Kyaa Ai Shorish-E-Dauraan Bhool Gaye

Majaz - Kuchh Tujh Ko Khabar Hai


Kuchh Tujh Ko Khabar Hai Ham Kyaa Kyaa Ai Shorish-E-Dauraan Bhool Gaye
Vo Zulf-E-Pareshaan Bhool Gaye Vo Didaa-E-Giriyaa Bhool Gaye

Ai Shauq-E-Nazaaraa Kyaa Kahiye Nazaron Men Koi Soorat Hi Nahin
Ai Zauq-E-Tasavvur Kyaa Kahiye Ham Soorat-E-Jaanaan Bhool Gaye

Ab Gul Se Nazar Milati Hi Nahin Ab Dil Ki Kali Khilati Hi Nahin
Ai Fasl-E-Bahaaraan Rukhasat Ho Ham Lutf-E-Bahaaraan Bhool Gaye

Sab Ko To Madaavaa Kar Daalaa Apanaa Hi Madaavaa Kar Na Sake
Sab Ke Girebaan Si Daale Apanaa Hi Girebaan Bhool Gaye

Ye Apani Vafaa Kaa Aalaam Hai Ab Un Ki Jafaa Ko Kyaa Kahiye
Ek Nashtar-E-Zahar-E-Aagaahi Rakh Kar Nazdik-E-Rag-E-Jaan Bhool Gaye

-------------------

Post a Comment

0 Comments

–>