Majaz - Rah-E-Shauq Se Ab Hataa Chaahtaa Hoon

Rah-E-Shauq Se Ab Hata Chaahta Hoon


Rah-E-Shauq Se Ab Hataa Chaahtaa Hoon
Koshish Husn Ki Dekhnaa Chaahtaa Hoon

Koi Dil-Saa Dard Aashnaa Chaahtaa Hoon
Rah-E-Ishq Men Rah-Numaa Chaahtaa Hoon

Tujhi Se Tujhe Chheenna Chaahtaa Hoon
Ye Kyaa Chaahtaa Hoon Ye Kyaa Chaahtaa Hoon

Khataaon Pe Jo Mujh Ko Maail Kare Phir
Sazaa Aur Aisi Sazaa Chaahtaa Hoon

Vo Makhmoor Nazaren Vo Mad-Hosh Aankhen
Kharaab-E-Muhabbat Huaa Chaahtaa Hoon

Vo Aankhen Jhukin Vo Koi Muskuraayaa
Payaam-E-Muhabbat Sunaa Chaahtaa Hoon

Tujhe Dhoondhtaa Hoon Teri Justajoo Hai
Mazaa Hai Khud Ghum Huaa Chaahtaa Hoon

Kahaan Kaa Karam Aur Kaisi Inaayat
'Majaz' Ab Jafaa Hi Jafaa Chaahtaa Hoon

                ---------------------

Post a Comment

0 Comments

–>