Majaz - Seene Men Un Ke Jalve Chhupaaye Huye To Hain

ghazal-seene mein un ke jalwe


Seene Men Un Ke Jalve Chhupaaye Huye To Hain
Ham Apne Dil Ko Toor Banaaye Huye To Hain

Taasir-E-Jazb-E-Shauq Dikhaaye Huye To Hain
Ham Teraa Har Hijaab Uthaaye Huye To Hain

Haan Vo Kyaa Huaa Vo Hauslaa-E-Did Ahal-E-Dil
Dekho Na Vo Naqaab Uthaaye Huye To Hain

Tere Gunaah-Aar Gunaah-Gaar Hi Sahi
Tere Karam Ki Aas Lagaaye Huye To Hain

Allaah Re Kaamyaabi-E-Aavaaragaan-E-Ishq
Khud Ghum Huye To Kyaa Use Paaye Huye To Hain

Ye Tujh Ko Ikhtiyaar Hai Taasir De Na De
Dast-E-Duaa Ham Aaj Uthaaye Huye To Hain

Mitate Huon Ko Dekh Ke Kyon Ro Na Den 'Majaz'
Aakhir Kisi Ke Ham Bhi Mitaaye Huye To Hain

                      ----------------------

Post a Comment

0 Comments

–>