Aankhon Main Ji Mera Hai Idhar Yaar Dekhna
Aashiq Ka Apne Aakhri Deedaar Dekhna
Kaisa Chaman Ke Ham Se Asiron Ko Mana Hai
Chaak-E-Qafas Se Baag Ki Deewar Dekhna
Aankhen Churaaio Na Tuk Abr-E-Bahaar Se
Meri Taraf Bhi Deedah-E-Khoonbaar Dekhna
Ae Ham-Safar Na Aable Ko Pahunche Chashm-E-Tar
Laga Hai Mere Paaon Main Aa Khaar Dekhna
Hona Na Chaar Chashm Dik Uss Zulm-Paishaahn Se
Hoshiyaar Zinhaar Khabardaar Dekhna
Sayyad Dil Hai Daag-E-Judaai Se Rashk-E-Baag
Tujh Ko Bhi Ho Naseeb Ye Gulzaar Dekhna
Gar Zamzamaa Yahi Hai Koi Din To Hamsafir
Is Fasl Hi Main Ham Ko Giriftaar Dekhna
Bulbul Hamaare Gul Pe Na Gustaakh Kar Nazar
Ho Jaayega Gale Kaa Kahin Haar Dekhna
Shayad Hamaari Khaak Se Kuch Ho Bhi Ai Naseem
Girbaal Kar Ke Koocha-E-Dildaar Dekhna
Us Khush-Nigaah Ke Ishq Se Parhez Kijio ‘Meer’
Jaata Hai Leke Ji Hi Ye Aazaar Dekhna
------------------------
0 Comments