Saghar Azmi - Kaanton Se Guzar Jaana Sholon Se Nikal Jaana

Kaanton Se Guzar Jaana Sholon Se Nikal Jaana,
Phoolon Ki Basti Main Jaana To Sambhal Jaana,

Din Apni Chiraagon Ki Maanind Guzarte Hain,
Har Subah Ko Bujh Jaana Har Sham Jal Jaana,

Bachchon Hi Si Fitrat Hai Ham Ahl-E-Muhabbat Ki,
Zid Karna Machal Jaana Phir Khud Hi Sambhal Jaana,

Woh Shakhs Bhala Mera Kya Saath Nibhaaye Ga,
Mausam Ki Tarah Jis Ne Seekha Hai Badal Jaana

  ----------------------------