Sardar Jafri - Kaam Ab Koi Na Aayegaa Bas Ik Dil Ke Sivaa

ghazal-kaam ab koi na aayega


Kaam Ab Koi Na Aayega Bas Ik Dil Ke Siva
Raaste Band Hain Sab Koocha-E-Qaatil Ke Siva

Baais-E-Rashq Hai Tanha-Ravi-E-Raahrau-E-Shauq
Hamsafar Koi Nahin Doori-E-Manzil Ke Siva

Ham Ne Duniya Ki Har Ik Shai Se Uthaaya Dil Ko
Lekin Ik Shokh Ke Hangaama-E-Mahfil Ke Siva

Tegh Munsif Ho Jahaan Daar-O-Rasan Hon Shahid
Begunah Kaun Hai Us Shahar Men Qaatil Ke Siva

Jaane Kis Rang Se Aai Hai Gulshan Men Bahaar
Koi Naghma Hi Nahin Shor-E-Silaasil Ke Siva
     ---------------------

Post a Comment

0 Comments

–>