Shaharyar - Aise Hijr Ke Mausam Ab Kab Aate Hain

Aise Hijr Ke Mausam Ab Kab Aate Hain
Tere Alaawaa Yaad Hamen Sab Aate Hain

Jazb Kare Kyon Ret Hamaare Ashkon Ko
Teraa Daaman Tar Karane Ab Aate Hain

Ab Wo Safar Ki Taab Nahin Baaqi Waranaa
Ham Ko Bulaawe Dasht Se Jab Tab Aate Hain

Jaagati Aankhon Se Bhi Dekho Duniyaa Ko
Khwaabon Ka Kyaa Hai Wo Har Shab Aate Hain

Kaaghaz Ki Kashti Men Dariyaa Paar Kiyaa
Dekho Ham Ko Kyaa Kyaa Karatab Aate Hain

--------------------