Shaharyar - Zindagi Jaisi Tamannaa Thi Nahin Kuchh Kam Hai

ghazal-zindagi jaisi tamanna thi

Zindagi Jaisi Tamannaa Thi Nahin Kuchh Kam Hai
Har Ghadi Hotaa Hai Ehasaas Kahin Kuchh Kam Hai

Ghar Ki Taamir Tasavvur Hi Men Ho Sakati Hai
Apane Naqshe Ke Mutaabiq Ye Zamin Kuchh Kam Hai

Bichhade Logon Se Mulaaqaat Kabhi Phir Hogi
Dil Men Ummid To Kaafi Hai Yaqin Kuchh Kam Hai

Ab Jidhar Dekhiye Lagataa Hai Ki Is Duniyaa Men
Kahin Kuchh Chiz Ziyaadaa Hai Kahin Kuchh Kam

Aaj Bhi Hai Teri Doori Hi Udaasi Ka Sabab
Ye Alag Baat Ki Pahali Si Nahin Kuchh Kam Hai

   ----------------------------

Post a Comment

0 Comments

–>