Bashir Badr - Waqt E Rukhsat Kahin Tare Kahin Jugunu Aaye

Waqt E Rukhsat Kahin Tare

Waqt E Rukhsat Kahin Tare Kahin Jugunu Aaye
Haar Pehnane Mujhe Phool Se Baazu Aaye

Bas Gayi Hai Mere Ahsaas Mein Ye Kaisi Mahak
Koi Khushboo Main Lagaaun Teri Khushboo Aaye

Main Ne Din Raat Khuda Se Ye Dua Maangi Thi
Koi Aahat Na Ho Dar Pe Mere Aur Tu Aaye

Us Ki Baaten Ke Gul-O-Lala Pe Shabnam Barse
Sab Ko Apnaane Ka Us Shokh Ko Jaadoo Aaye

In Dinon Aap Ka Aalam Bhi Ajab Aalam Hai
Sokh Khaya Hua Jaise Koi Aaho Aaye

Us Ne Chhoo Kar Mujhe Patthar Se Phir Insaan Kiya
Muddaton Baad Meri Aankh Me Aansoo Aaye

                    ----------------------

Post a Comment

0 Comments

–>