Daagh - Mere Qaaboo Men Na Pehron Dil-E-Naashaad Aayaa

Mere Qaaboo Men Na Pehron Dil-E-Nashad Aaya




Mere Qaaboo Men Na Pehron Dil-E-Naashaad Aayaa
Wo Mera Bhoolne Waalaa Jo Mujhe Yaad Aayaa

Dil-E-Weeraan Se Raqeebon Ne Muraaden Paain
Kaam Kis Kis Ke Meraa Khirman-E-Barbaad Aayaa

Leejiye Suniye Ab Afasaana-E-Furqat Mujh Se
Aap Ne Yaad Dilaayaa To Mujhe Yaad Aayaa

Dee Mu'azzin Ne Azaan Wasl Ki Shab Pichhle Pahar
Haaye Kam_Bakht Ko Kis Waqt Khudaa Yaad Aayaa

Bazm Men Un Ke Sabhi Kuchh Hai Magar "Daagh" Naheen
Mujh Ko Wo Khaanaa-Kharaab Aaj Bahut Yaad Aayaa

------------

Post a Comment

0 Comments

–>