Daagh - Uzr Aane Men Bhi Hai Aur Bulaate Bhi Nahin

Uzr Aane Men Bhi Hai Aur Bulaate Bhi Nahin
Baais-E-Tark-E-Mulaaqaat Bataate Bhi Nahin

Khoob Pardaa Hai Ki Chilaman Se Lage Baithe Hain
Saaf Chhupte Bhi Nahin Saamane Aate Bhi Nahin

Ho Chukaa Qata-Ta'lluq To Jafaayen Kyon Hon
Jinko Matlab Nahin Rahta Wo Sataate Bhi Nahin

Zeest Se Tang Ho Ae ‘Daagh’ To Jeete Kyon Ho
Jaan Pyaari Bhi Nahin Jaan Se Jaate Bhi Nahin

------------------------