Faiz - Garmi-E-Shauq-E-Nazzaara Ka Asar To Dekho

Garmi-E-Shauq-E-Nazzaara Ka Asar

Garmi-E-Shauq-E-Nazzaara Ka Asar To Dekho
Gul Khile Jaate Hain Wo Saaya-E-Dar To Dekho

Aise Naadaan To Na The Jaan Se Guzarne Waale
Naasiho, Rahbar-O-Raahaguzar To Dekho

Wo To Wo Hain Tumhen Ho Jaayegi Ulfat Mujhse
Ek Nazar Tum Mera Mahboob-E-Nazar To Dekho

Wo Jo Ab Chaak Garebaan Bhi Nahin Karte Hain
Dekhane Waalo Kabhi Un Kaa Jigar To Dekho

Daaman-E-Dard Ko Gulazaar Banaa Rakhaa Hai
Aao Ek Din Dil-E-Purakhoon Ka Hunar To Dekho

Subah Ki Tarah Jhamaktaa Hai Shab-E-Gham Ka Ufaq
"Faiz" Taabindagi-E-Deeda-E-Tar To Dekho

-------------------------

Post a Comment

0 Comments

–>