Hui Hai Shaam To Aankhon Men Bas Gaya Phir Too,
Kahaan Gaya Hai Mere Shahr Ke Musaafir Too,
Bahut Udaas Hai Ik Shakhs Tere Jaane Se,
Jo Ho Sake To Chalaa Aa Usi Ki Khaatir Too,
Meri Misaal Ki Ik Nakhl-E-Khushk-E-Saharaa Hoon,
Tera Khayaal Ki Shaakh-E-Chaman Ka Taair Too,
Main Jaanta Hoon Ke Duniya Tujhe Badal Degi,
Main Maanta Hoon Ke Aisa Nahin Bazaahir Too,
Hansi Khushi Se Bichhad Jaa Agar Bichhadna Hai,
Ye Har Maqaam Pe Kya Sochta Hai Aakhir Too,
`Faraz` Too Ne Use Mushkilon Men Daal Diya,
Zamaana Saahib-E-Zar Aur Sirf Shaayar Too.
--------------------
0 Comments