Faraz - Is Se Pahle Ki Bewafa Ho Jaayen

Is Se Pahle Ki Bewafa Ho Jaayen
Kyun Na Ai Dost Ham Judaa Ho Jaayen

Too Bhi Heere Se Ban Gayaa Patthar
Ham Bhi Kal Jaane Kya Se Kya Ho Jaayen

Ham Bhi Majbooriyon Ka Uzr Karen
Phir Kahin Aur Mubtilaa Ho Jaayen

Ab Ke Gar Too Mile To Ham Tujh Se
Aise Lipten Teri Qabaa Ho Jaayen

Bandagi Hamne Chhod Di Faraaz
Kya Karen Log Jab Khuda Ho Jaayen

---------------------