Faraz - Kyun Tabiat Kahin Thaharti Nahin


Kyun Tabiat Kahin Thaharti Nahin
Dosti To Udaas Karti Nahin

Ham Hamesha Ke Sair-Chashm Sahi
Tujh Ko Dekhen To Aankh Bharti Nahin

Shab-E-Hijraan Bhi Roz-E-Bad Ki Tarah
Kat To Jaati Hai Par Guzarti Nahin

Ye Mohabbat Hai, Sun, Zamaane, Sun
Itni Aasaaniyon Se Marti Nahin

Jis Tarah Tum Guzaarte Ho Faraaz
Zindagi Us Tarah Guzarti Nahin

----------------------

Post a Comment

0 Comments

–>