Iqbal - Gulzaar-E-Hast-O-Boo Na Begana-War Dekh

Gulzaar-E-Hast-O-Boo Na Begana-War Dekh
Hai Dekhne Ki Cheez Ise Baar Baar Dekh

Aaya Hai To Jahan Mein Misal-E-Sharaar Dekh
Daam De Na Jaaye Hasti-E-Naa-Paaidar Dekh

Maana Ki Teri Deed Ke Qaabil Nahin Hun Main
Too Mera Shauq Dekh Mera Intzaar Dekh

Kholi Hain Zauq-E-Deed Ne Aankhein Teri To Phir
Har Raahguzar Mein Naqsh-E-Kaf-E-Paa-E-Yaar Dekh

-----------------