Jigar - Har Su Dikhaai Dete Hain Wo Jalwaagar Mujhe



Har Su Dikhaai Dete Hain Wo Jalwaagar Mujhe
Kya-Kya Fareb Deti Hai Meri Nazar Mujhe

Aaya Na Raas Naala-E-Dil Kaasar Mujhe
Ab Tum Mile To Kuch Nahin Apni Khabar Mujhe

Daalaa Hai Bekhudi Ne Ajab Raah Par Mujhe
Aankhen Hain Aur Kuch Nahin Aata Nazar Mujhe

Karna Hai Aaj Hazrat-E-Naaseh Se Saamna
Mil Jaaye Do Ghadi Ko Tumhaari Nazar Mujhe

Yaksaan Hai Husn-O-Ishq Ki Sarmastiyon Karang
Un Ki Khabar Unhen Hai Na Apni Khabar Mujhe

Main Door Hoon To Ruh-E-Sukhan Mujh Se Kis Liye
Tum Paas Ho To Kyon Nahin Aate Nazar Mujhe

Dil Leke Mera Dete Ho Daagh-E-Jigar Mujhe
Ye Baat Bhoolane Ki Nahin Umr Bhar Mujhe

------------------------

Post a Comment

0 Comments

–>