• Breaking News

    27 October 2011

    Malikzada Manzoor - Shamm’a Ki Tarah Shab-E-Gham Men Pighalte Rahiye



    Shamm’a Ki Tarah Shab-E-Gham Men Pighalte Rahiye
    Subh Ho Jaayegi, Jalte Hain To Jalte Rahiye

    Vaqt Chaltaa Hai Uraataa Hu’aa Lamhaat Ki Gard
    Pairahan Fikr Kaa Hai, Roz Badalte Rahiye

    Aainaa Saamne Aayegaa Tau Sach Bolegaa
    Aap Chehre Jo Badalte Hain Badalte Rahiye

    Aa’i Manzil To Qadam Aap Hi Ruk Jaayenge
    Zist Ko Raah-E-Safar Jaan Kar Chalte Rahiye

    Subh Ho Jaayegi To Haath Aa Na Sakegaa Maahtaab
    Aap Agar Khvaab Men Chalte Hain To Chalte Rahiye

    Ahd-E-Imroz Ho Yaa Vaada-E-Fardaa “Manzoor”
    Tootne-Vaale Khilone Hain, Bahalte Rahiye


    ------------------

    No comments:

    Post a Comment

    Mushaira

    Video

    Topic Shayari

    Stats