Momin - Dar To Mujhe Iska Hai Ke Main Kuchh Nahin Kahtaa

 Dar To Mujhe Iska Hai Ke
Dar To Mujhe Iska Hai Ke Main Kuchh Nahin Kahtaa
Par Haal Ye Afshaan Hai Ke Main Kuchh Nahin Kahtaa

Naaseh Ye Gilaa Hai Ke Main Kuchh Nahin Kahtaa
Too Kab Meri Sunta Hai Ke Main Kuchh Nahin Kahtaa

Kuchh Ghair Se Honthon Men Kahe Hai Pa Jo Poochho
To Waheen Mukarataa Hai Ke Main Kuchh Nahin Kahtaa

Naaseh Ko Jo Chaahoon To Abhi Theek Banaa Doon
Par Khauf Khudaa Kaa Hai Ke Main Kuchh Nahin Kahtaa

Chupke Se Tere Milne Ka Ghar Waalon Men Tere
Is Waaste Charcha Hai Ke Main Kuchh Nahin Kahtaa

Ai Chaara-Garo Qaabil-E-Darmaan Nahin Ye Dard
Warnaa Mujhe Sauda Hai Ke Main Kuchh Nahin Kahtaa

Har Waqt Hai Dushnaam Har Ek Baat Pe Taanaa
Phir Is Pe Bhi Kahte Hain Ke Main Kuchh Nahin Kahtaa

"Momin" Ba-Khudaa Sihar Bayaani Ka Jabhi Tak
Har Ek Ko Daawaa Hai Ke Main Kuchh Nahin Kahtaa

------------------------

Post a Comment

0 Comments

–>