Nida Eazli - Sab Ki Poojaa Ek Si, Alag Alag Har Reet

 

Sab Ki Poojaa Ek Si, Alag Alag Har Reet
Masjid Jaaye Maulavi, Koyal Gaaye Geet

Poojaa Ghar Men Moorti, Meeraa Ke Sang Shyaam
Jitani Jisaki Chaakari, Utane Usake Daam

Seetaa-Raavann, Raam Kaa, Karen Vibhaajan Log
Ek Hi Tan Men Dekhiye, Teenon Kaa Sanjog

Mitti Se Maati Mile, Kho Ke Sabhi Nishaan
Kis Men Kitanaa Kaun Hai, Kaise Ho Pahachaan

  -----------------