Nida Fazli - Ab Khushi Hai Na Koi Ghham Rulaane Waala

Ab Khushi Hai Na Koi Ghham


Ab Khushi Hai Na Koi Ghham Rulaane Waala
Ham Ne Apnaa Liya Har Rang Zamaane Waala

Us Ko Rukhsat To Kiya Thaa Mujhe Maaloom Na Tha
Saaraa Ghar Le Gayaa, Ghar Chhod Ke Jaane Waala

Ik Musaafir Ke Safar Jaisi Hai Sab Ki Duniya
Koi Jaldi Men Koi Der Se Jaane Waala

Ek Be-Chehra Si Ummeed Hai Chehra-Chehra
Jis Taraf Dekhiye Aane Ko Hai Aane Waala

------------------

Post a Comment

0 Comments

–>