Nida Fazli - Tera Hijr Mera Naseeb Hai Tera Gham Hi Meri

 

Tera Hijr Mera Naseeb Hai Tera Gham Hi Meri Hayaat Hai
Mujhe Teri Doori Ka Gham Ho Kyon Too Kahin Bhi Ho Mere Saath Hai

Mere Waaste Tere Naam Par Koi Harf Aaye Nahin Nahin
Mujhe Khauf-E-Duniya Nahin Magar Mere Roo-Ba-Roo Teri Zaat Hai

Teraa Wasl Ai Meri Dilruba Nahin Meri Kismat To Kya Huaa
Meri Mah-Jabeen Yahi Kam Hai Kya Teri Hasraton Ka To Saath Hai

Tera Ishq Mujh Pe Hai Mahrabaan Mere Dil Ko Haasil Hai Do Jahaan
Meri Jaan-E-Jaan Isi Baat Par Meri Jaan Jaaye To Baat Hai

-----------------------