Qateel - Pyas Wo Dil Ki Bujhane Kabhi Aaya Bhi Nahin

Pyas Wo Dil Ki Bujhane Kabhi Aaya

 Pyas Wo Dil Ki Bujhane Kabhi Aaya Bhi Nahin,
Kaisa Badal Hai Jiska Koi Saaya Bhi Nahin,

Berukhi Is Se Barhi Aur Bhala Kya Hogi,
Ek Muddat Se Hamein Us Ne Sataaya Bhi Nahin,

Roz Aata Hai Dar-E-Dil Pe Wo Dastak Dene,
Aaj Tak Hamne Jise Paas Bulaaya Bhi Nahin,

Sun Liya Kaise Khuda Jane Zamane Bhar Ne,
Wo Fasana Jo Kabhi Hamne Sunaaya Bhi Nahin,

Tum To Shayar Ho `Qateel` Aur Wo Ik Aam Sa Shakhs,
Us Ne Chaha Bhi Tujhe Aur Jataaya Bhi Nahin.

----------------------

Post a Comment

0 Comments

–>