Qateel - Ye Mojezaa Bhi Muhabbat Kabhi Dikhaaye Mujhe

Ye Mojezaa Bhi Muhabbat Kabhi Dikhaaye Mujhe,
Ke Sang Tujh Pe Gire Aur Zakhm Aaye Mujhe,

Wo Mehrbaan Hai To Iqraar Kyoon Nahin Kartaa,
Wo Badgumaan Hai To Sau Baar Aazmaaye Mujhe,

Main Apne Paanw Tale Raundataa Hoon Saaye Ko,
Badan Meraa Hi Sahi Do-Pahar Na Bhaaye Mujhe,

Main Ghar Se Teri Tamannaa Pahan Ke Jab Nikloon,
Barahnaa Shahar Men Koi Nazar Na Aaye Mujhe,

Wo Meraa Dost Hai Saare Jahaan Ko Hai Maaloom,
Daghaa Kare Wo Kisi Se To Sharm Aaye Mujhe,

Main Apani Zaat Men Nilaam Ho Rahaa Hoon Qateel,
Gham-E-Hayaat Se Kah Do Kharid Laaye Mujhe.

------------------------