• Breaking News

    20 October 2011

    Sahir - Apne Seene Se Lagaaye Huye Ummid Ki Laash

    Apne Seene Se Lagaaye Huye


    Apne Seene Se Lagaaye Huye Ummid Ki Laash
    Muddaton Zeest Ko Naashaad Kiyaa Hai Main Ne

    Too Ne To Ek Hi Sadame Se Kiya Tha Do Chaar
    Dil Ko Har Tarah Se Barbaad Kiya Hai Main Ne
    Jab Bhi Raahon Men Nazar Aaye Hariri Malaboos
    Sard Aahon Se Tujhe Yaad Kiya Hai Main Ne

    Aur Ab Jab Ki Meri Rooh Ki Pahanaai Men
    Ek Sunasaan Si Maghmoom Ghata Chhaai Hai
    Too Damakate Hue Aariz Ki Shuaayen Lekar
    Gul-Shudaa Shamm-En Jalaane Ko Chali Aai Hai

    Meri Mahaboob Ye Hangaamaa-E-Tajadid-E-Wafaa
    Meri Afasurdaa Jawaani Ke Liye Raas Nahin
    Main Ne Jo Phool Chune The Tere Qadamon Ke Liye
    Un Ka Dhundhalaa-Saa Tasawwur Bhi Mere Paas Nahin

    Ek Yakh-Bastaa Udaasi Hai Dil-O-Jaan Pe Muhit
    Ab Meri Rooh Men Baaqi Hai Na Ummid Na Josh
    Rah Gayaa Dab Ke Giraan-Baar Salaasil Ke Tale
    Meri Daramaandaa Jawaani Ki Umangon Ka Kharosh

    ---------------------

    No comments:

    Post a Comment

    Mushaira

    Video

    Topic Shayari

    Stats