Shakeel - Un Se Ummid-E-Runumaai Hai

 Un Se Ummid-E-Runumaai Hai
Kya Nigaahon Ki Maut Aai Hai

Dil Ne Gam Se Shikast Khaai Hai
Umr-E-Rafta Teri Duhaai Hai

Dil Ki Barbadiyon Pe Nazaan Hoon
Fatah Paakar Shikast Khaai Hai

Mere Maabad Nahin Hai Dair-O-Haram
Ehatiyaatan Jabin Jhukaai Hai

Wo Hawa De Rahe Hain Daaman Ki
Haaye Kis Waqt Nind Aai Hai

Khul Gaya Un Ki Aarzu Main Ye Raaz
Zeest Apni Nahin Paraai Hai

Door Ho Gunche Meri Nazar Se
Tu Ne Meri Hansi Churaai Hai

Gul Fasurda Chaman Udaas 'Shakeel'
Yun Bhi Aksar Bahaar Aai Hai

------------------------