Gul Teraa Rang Churaa Laaye Hain Gulzaaron Mein
Jal Rahaa Hun Bhari Barasaat Ki Bauchhaaron Mein
Mujh Se Katraa Ke Nikal Jaa Magar Ai Jaan-E-Hayaa
Dil Ki Lau Dekh Rahaa Hun Tere Rukhsaaron Mein
Husn-E-Begaanaa-E-Ehsaas-E-Jamaal Achchaa Hai
Ghunche Khilte Hain To Bik Jaate Hain Baazaaron Mein
Zikr Karte Hain Teraa Mujh Se Ba-Unwaan-E-Jafaa
Chaara-Gar Phool Piro Laaye Hain Talvaaron Mein
Zakhm Chhup Sakte Hain Lekin Mujhe Fan Ki Saugandh
Gam Ki Daulat Bhi Hai Shaamil Mere Shaahakaaron Mein
Mujh Ko Nafarat Se Nahin Pyaar Se Masloob Karo
Main To Shaamil Hun Mohabbat Ke Gunah-Gaaron Mein
-------------------------
0 Comments