Javed Akhtar - Dard Ke Phool Bhi Khilte Hain Bikhar Jaate Hain

Dard Ke Phool Bhi Khilte Hain

Dard Ke Phool Bhi Khilte Hain Bikhar Jaate Hain
Zakhm Kaise Bhi Hon Kuch Roz Main Bhar Jaate Hain

Us Dareeche Main Bhi Ab Koi Nahin Aur Ham Bhi
Sar Jhukae Huye Chup-Chaap Guzar Jaate Hain

Raasta Roke Khari Hai Yahi Uljhan Kab Se
Koi Pooche To Kahain Kya Ki Kidhar Jaate Hain

Narm Aawaz Bhali Baatain Mohazzab Lehje
Pahli Baarish Main Hi Ye Rang Utar Jaate Hain

----------------------

Post a Comment

0 Comments

–>