Parveen Shakir - Dil Ka Kya Hai Wo To Chaahe Ga Musalsal Milnaa

Dil Ka Kya Hai Wo To Chaahe Ga Musalsal Milnaa
Wo Sitamgar Bhi Magar Soche Kisi Pal Milnaa

Vaan Nahin Vaqt To Ham Bhi Hain Adim-Ul-Fursat
Us Se Kyaa Kahiye Jo Har Roz Kahe Kal Milnaa

Ishq Ki Raah Ke Musaafir Kaa Muqaddar Maaloom
Dasht-E-Ummid Men Andeshe Kaa Baadal Milnaa

Daaman-E-Shab Ko Agar Chaak Bhi Kar Len To Kahaan
Noor Men Doobaa Huaa Subah Kaa Aanchal Milnaa

-----------------