Parveen Shakir - Khuli Aankhon Men Sapnaa Jaagataa Hai

Khuli Aankhon Men Sapnaa Jaagataa Hai

Khuli Aankhon Men Sapnaa Jaagataa Hai
Wo Soyaa Hai Ke Kuchh Kuchh Jaagtaa Hai

Teri Chaahat Ke Bhige Jangalon Men
Meraa Tan Mor Ban Ke Naachtaa Hai

Mujhe Har Kaifiyat Men Kyon Na Samjhe
Wo Mere Sab Havaale Jaantaa Hai

Kisi Ke Dhyaan Men Doobaa Huaa Dil
Bahaane Se Mujhe Bhi Taaltaa Hai

Sadak Ko Chhod Kar Chalnaa Padegaa
Ke Mere Ghar Ka Kachchaa Raastaa Hai

--------------------

Post a Comment

0 Comments

–>