Kya Huwa Main Ne Agar Ishq Ka Izhaar Kiya- Akhtar Sheerani


Kya Huwa Main Ne Agar Ishq


Kya Huwa Main Ne Agar Ishq Ka Izhaar Kiya
Aap Se Pyaar Kiya
Aap Nay Kyon Mere Armanon Ko Bedaar Kiya
Dill Ko Sar-Shaar Kiya
Ghum Ka Iqraar Karoon Mujh Main Ye Himmat Hi Na Thi
Dil Ko Jurrat Hi Na Thi
Dil Ko Kyon Gesu-E- Mushkeen Main Giraftaar Karoon
Waqf-E- Aazaar Kiya
Dil-Pazeeri To Hai Ik Khel Haseenon Ke Liye
Meh-Jabeenon Ke Liye
Dil-Dehi Per Meri Kyon Ghusse Ka Izhaar Kya
Naa-Huq Inkaar Kiya
Kya Khaber Tum Ko Abhi Ishq Main Lazzat Kya Hai
Ye Halawat Kya Hai
Tum Ne Kya Soch Ke Is Dard Se Inkaar Kya
Fitna Bedaar Kiya
Pehle Hi Naame Main Khul Jaao, Zaroorat Kya Thi
Ye Sharaarat Kya Thi
Hausla Kyon Meri Umeedon Ka Bedaar Kya
Mujh Ko Naa-Chaar Kiya!
Wo Khafa Hon Ke Hansen Un Ko Bata Do Akhtar
Ye Jata Do Akhtar
Ab To Jo Kuch Ho So Ho, Ishq Ka Izhaar Kiya
Aap Se Pyaar Kiya
           ---------

Post a Comment

0 Comments

–>