Asraar-E-Ishq Hai Dil-E-Muztar Liye Huwe
Qatra Hai Beqaraar Samandar Liye Huwe
Kya Mastiyaan Chaman Main Hain Josh-E-Bahaar Se
Har Shaakh-E-Gul Hai Haath Mein Saaghar Liye Huwe
Pehli Nazar Bhi Aap Ki Uf Kis Balaa Ki Thhi
Hum Aaj Tak Woh Chot Hain Dil Par Liye Huwe
Tasveer Hai Khinchi Hui Naaz-O-Niyaaz Ki
Main Sar Jhukaaye Aur Woh Khanjar Liye Huwe
Main Kya Kahun, Kahaan Hai Muhabbat, Kahaan Nahin
Rag Rag Mein Daudi Phirti Hai Nashtar Liye Huwe
Asghar Hareem-E-Ishq Mein Hasti Hi Jurm Hai
Rakhna Kabhi Na Paaon Yahaan Sar Liye Huwe
-----------------------
0 Comments