Asghar Gondvi- Yeh Ishq Ne Dekhaa Hai, Yeh Aql Se Pinhaan Hai



Yeh Ishq Ne Dekhaa Hai, Yeh Aql Se Pinhaan Hai
Qatre Men Samandar Hai, Zarre Men Bayaabaan Hai

Ai Paikar-E-Maihboobi Main Kaise Tujhe Dekhoon
Jis Ne Tujhe Dekhaa Hai, Vo Dida-E-Hairaan Hai

Sau Baar Teraa Daaman Haathon Men Mere Aayaa
Jab Aankh Khuli Dekhaa Apanaa Hi Garibaan Hai

Yeh Husn Ki Maujen Hain Yaa Josh-E-Tamannaa Hai
Us Shokh Ke Honton Par Ik Barq Si Larzaan Hai

"Asghar" Se Mile Lekin "Asghar" Ko Nahin Dekhaa
Ashaar Men Sunte Hain Kuchh Kuchh Vo Numaayaan Hai

------------------------

Post a Comment

0 Comments

–>