• Breaking News

    8 February 2012

    Hali - Aage Badhe Na Qissa-E-Ishq-E-Butaan Se Ham

     
    Aage Badhe Na Qissa-E-Ishq-E-Butaan Se Ham
    Sab Kuch Kaha Magar Na Khule Raazdaan Se Ham
    Ab Bhaagte Hain Saaya-E-Ishq-E-Butaan Se Ham
    Kuch Dil Se Hain Dare Hue Kuch Aasmaan Se Ham
    Hanste Hain Us Ke Giriya-E-Be-Ikhtiyar Par
    Bhoole Hain Baat Kah Ke Koi Raazadaan Se Ham
    Ab Shauq Se Bigar Ke Baaten Kiya Karo
    Kuch Paa Gaye Hain Aap Ki Tarz-E-Bayaan Se Ham
    Jannat Mein Tu Nahin Agar Ye Zakhm-E-Tegh-E-Ishq
    Badlen Ge Tujh Ko Zindagi-E-Jawidaan Se Ham
     ----------------------

    No comments:

    Post a Comment

    Mushaira

    Video

    Topic Shayari

    Stats