Sauda - Gila Likhoon Main Agar Teri Bewafaai Ka

Gila Likhoon Main Agar Teri Bewafaai Ka
Lahu Mein Gharq Safeena Ho Aashnaai Ka

Zubaan Hai Shukr Mein Qaasir Shiksta Bali Ke
Ke Jin Ne Dil Se Mitaaya Khalish Rehai Ka

Dimagh Jhar Gaya Aakhir Tera Na Ai Namrood
Chala Na Paish Se Kuch Bas Teri Khudai Ka

Meri Sajood Ki Dair-O-Haram Se Guzri Qadr
Rakhoon Hoon Daawe Tere Dar Pe Jehba Sai Ka

Kabhu Na Pahunch Sake Dil Se Ta Zubaan Yak Harf
Agar Bayaan Karoon Talae Ki Na Rasai Ka

Dikhaoon Ga Tujhe Zahid Us Aafat-E-Jaan Ko
Khala Dimagh Mein Tere Hai Paarsaai Ka

Talab Na Charkh Se Kar Naan-E-Rahat Ai ‘Sauda’
Phire Hai Aap Wo Kaasaa Liye Gadai Ka

    -----------------------