• Breaking News

    23 May 2012

    Sharm/Haya Shayari


    sharm haya shayari


    Ik Arz-E-Vafaa Bhi Kar Na Sake
    Kuchh Kah Na Sake Kuchh Sun Na Sake

    Yaan Ham Ne Zabaan Hi Kholi Thi
    Vaan Aankh Jhuki Sharmaa Bhi Gaye

    [Majaz]

    ************************************  


    Vo Lajaaye Mere Savaal Par Ki Uthaa Sake Na Jhukaa Ke Sar
    Udi Zulf Chehre Pe Is Tarah Ki Shabon Ke Raaz Machal Gaye

    [Majrooh Sultanpuri]

    ************************************  


    Sharma Ke Yoon Na Dekhiye Lillaah Baar Baar
    Aisaa Na Ho Ki Pyaar Ke Chashme Ubal Padein

    [Sahir Bhopali]

    ************************************  

    Vo Aaine Men Dekh Rahe The Bahaar-E-Husn
    Aayaa Mera Khayaal To Sharmaa Ke Rah Gaye

    [Zauq]

    ************************************


    Kyun Jee Ke Hijr Mein Hue Sharminda Yaar Se
    Ab Marr Rahe Hain Uski Pashemaaniyon Mein Hum

    [Zauq]

    **************************************


    Vo Sharmaaye Baithe Hain Gardan Jhukaaye
    Gazab Ho Gayaa Ik Nazar Dekh Lena

    [Hasrat Mohani]

    ************************************


    Kabhi Neki Bhi Us Ke Jee Mein Aa Jaaye Hai Mujh Se
    Jafaayen Kar Ke Apni Yaad Sharmaa Jaaye Hai Mujh Se

    [Mirza Ghalib]

    ************************************


    Ye Bhi Naa-Chaar Jee Ka Khona Hai
    Sharm Se Paani Paani Hona Hai

    [Mirza Ghalib]

    ************************************


    Ghair Ko Yaa Rab Vo Kyon Kar Mana-E-Gustaakhi Kare
    Gar Hayaa Bhi Us Ko Aati Hai To Sharmaa Jaaye Hai

    [Mirza Ghalib]

    ************************************


    Husn Aur Us Pe Husn-E-Zan Rah Gai Bul-Havas Ki Sharm
    Apne Pe Etemaad Hai Ghair Ko Aazmaaye Kyoon

    [Mirza Ghalib]

    ************************************  


    Sharm Ek Adaa-e-Naaz Hai Apne Hi Se Sahi
    Hain Kitne Be-Hijaab Ki Hain Yoon Hijaab Mein

    [Mirza Ghalib]


    ************************************


    Donon Jahaan Deke Vo Samajhe Ye Khush Raha
    Yaan Aa Padi Ye Sharm Ki Takraar Kyaa Karen

    [Mirza Ghalib]

    ************************************


    Hue Be-Khwaab Aah-E-Sharm, Shab Se To Lage Kehne
    Ki Soton Ko Jagaa Dete Ho, Tum Bhi Kya Qayaamat Ho

    [Momin]

    *******************************************


    Main Apni Chashm-E-Shauq Ko Ilzaam Khaak Doon
    Teri Nigaah-E-Sharm Se Kyaa Kuchh Ayaan Nahin

    [Momin]

    *************************************


    Phir Gayee Aankhon Ke Aagey Uski Chashm-E-Sharmgin
    Phir Gayee Aankhein Meri, Nargis Ka Jhukna Dekh Kar

    [Momin]

    ***********************************


    Aankh Mein Thi Haya Har Mulaaqaat Par
    Surkh Aariz Hue Vasl Ki Baat Par
    Us Ne Sharmaa Ke Mere Savaalaat Par
    Aise Gardan Jhukaai Mazaaa Aa Gayaa

    [Unknown]

    ************************************


    Sharm Ek Adaa-E-Naaz Hai Apne Hi Se Sahi
    Hai Kitni Be Hijaab Ke Hai Yun Hijaab Mein

    [Ghalib]

    ************************************


    Us Bazm Mein Banti Nahin Mujh Ko Haya Kiye
    Baitha Raha Hai Agar-Che Ishaarey Hua Kiye

    [Ghalib]

    **************************************


    Sharm Ek Adaa E Naaz Hai Apne Hi Se Sahi
    Hain Kitne Be-Hijaab Ki Hain Yun Hijaab Mein

    [Ghalib]

    **************************************


    Ghair Ko Kyunkar Wo Manaa-E-Gustaakhi Karein
    Gar Haya Bhi Aati Hai Usko To Sharmaa Jaaye Hai

    [Ghalib]

    *******************************************


    Gahir Ko Yaarab Vo Kyun Kar Manaa-E-Gustaakhi Kare
    Gar Haya Bhi Us Ko Aati Hai To Sharma Jaaye Hai

    [Ghalib]

    *******************************************


    Kah Uthe Chup Kyon Ho Visaal Ke Baad
    Khud Hi Sharmaaye Is Savaal Ke Baad

    [Riaz Khairabadi]

    *******************************************


    Javaan Hone Lage Jab Woh To Ham Se Kar Liya Parda
    Haya Yak Lakht Aayi Aur Shabaab Ahista-Ahista

    [Ameer Minai]

    *******************************************


    Wo Sharmaye Baithe Hain Gardan Jhukaye
    Ghazab Ho Gaya Ik Nazar Dekh Lena

    [Hasrat Mohani]

    *******************************************


    Kis Qadar Hain Teri Aankhen Be-Baak
    In Se Fitne Bhi Hayaa Karte Hain

    [Daagh Dehlvi]

    ************************************ 


    Hayaa To Dekhiye Aayine Se Bhi Parda Hai
    Wo Apna Haath Hi Pehle Sahar Se Dekhte Hain

    [Daagh Dehlvi]

    *************************************


    Yeh Kahaan Ki Baitho Hazaar Mein Tumhein Sharm Aati Thi Chaar Mein
    Yeh To Do Hi Din Ka Hai Maajra Tumhein Yaad Ho Ki Na Yaad Ho

    [Daagh Dehlvi]

    **************************************


    Zindagi Ye To Nahin Tujh Ko Sanvaaraa Hi Na Ho
    Kuchh Na Kuchh Ham Ne Tera Qarz Utaaraa Hi Na Ho

    Sharm Aati Hai Us Shahar Mein Hain Ke Jahaan
    Naa Mile Bheekh To Laakhon Ka Guzaaraa Hi Na Ho

    [Jan Nissar Akhtar]

    ************************************


    Bikher De Jo Vo Zulfon Ko Apne Mukhde Par
    To Maare Sharm Ke Aai Hui Ghhata Phir Jaaye

    [Unknown]

    ************************************ 

       
    Duniya Se Jaa Raha Hoon Kafan Mein Chhipaaye Moonh
    Afsos Baad Marne Ke Aai Hamein Hayaa

    [Unknown]

    ************************************


    Sharm Se Aankh Milaate Nahin Dekha Un Ko
    Paar Hoti Hain Kaleje Ke Nigaahen Kyon Kar

    [Daagh Dehlvi]

    ************************************  

         
    Izhaar-E-Mohabbat Par Is Tarah Vo Sharmaaye
    Sab Ki Hayaa Meri Aankhon Mein Utar Aai

    [Moin Ahsan Jazbi]

    ************************************  

        
    Hazaaron Shauq-O-Armaan Le Rahe Hain Chutkiyaan Dil Mein
    Hayaa Un Ki Ijaazat De To Kuchh Be-Baakiyaan Kar Loon

    [Akhtar Shirani]

    ************************************  

        
    Kis Ne Hayaa Se Neechi Nazar Ki Ki Ho Gayaa
    Aasaan Na Dekhna Mujhse Dushvaar Dekhna

    [Muhammad Zaki]

    ************************************  


    Hayaa Ne Rok Liyaa Jazba-E-Dil Ne Kheench Liya
    Chale Vo Teer Ki Soorat Khinche Kamaan Ki Tarah

    [Daagh Dehlvi]

    ************************************  

        
    Shukr Parde Hi Mein Us But Ko Hayaa Ne Rakkha
    Varna Eimaan Gaya Hi Tha Khuda Ne Rakkha

    [Zauq]

    ************************************

         
    Kah Uthe Chup Kyon Ho Visaal Ke Baad
    Khud Hi Sharmaaye Is Savaal Ke Baad

    [Riaz Khairabadi]

    ************************************  

        
    Sharma Ke Poochhna Vo Kisi Ka Shab-E-Visaal
    Ai Hijr Ab To Dil Ki Tamannaa Nikal Gai

    [Hijr Shahjahanpuri]

    ************************************


    Ik Roz Is Tarah Bhi Mere Baazuon Mein Aa
    Mere Adab Ko Teri Hayaa Ki Khabar Na Ho
    [Ahmed Nadeem Qasmi]

    ************************************


    Dil Le Gaya Hai Mera Vo Simtan Churaa Kar
    Sharmaa Ke Jo Chale Hai Saara Badan Churaa Kar

    [Mussahfi]

    ************************************


    Haya-O-Sharm Tumhaari Gawaah Hai Iski
    Hua Hai Aaj Koi Kaamyaab Barson Mein
    [Daagh Dehlvi]

    ************************************


    Kam-Nigaahi Mein Ishaara Hai, Ishaaron Mein Hayaa
    Yaa Na Hone Do Mujhe Chain Se, Yaa Hone Do

    [Daagh]

    ************************************


    Kyun Churaate Ho Dekh Kar Aankhein
    Kar Chuki Mere Dil Mein Ghar Aankhein

    [Daagh]

    *************************************


    Baad Shokhi Ke Teri, Tarz-E-Hayaa Kuchh Bhi Nahin
    Woh Adaa Dilruba Thi, Yeh Adaa Kuchh Bhi Nahin

    [Daagh]

    ***************************************


    Uthaao Aankh Na Sharmaao, Yeh To Mehfil Hai
    Ghazab Se Jaanib-E-Aghiyaar Dekhte Jaao

    [Daagh]

    ****************************************


    Hum To Uss Aankh Ke Hain Dekhne Waale, Dekho
    Jis Mein Shokhi Hai Bahot Aur Hayaa Thodi Si

    [Daagh]

    *******************************************


    Kya Khaak Ladengi, Mere Dil Se Teri Aankhein
    Jo Jhuki Hain Sharm Se, Jo Chhupti Hain Hayaa Se
    [Daagh]

    *******************************************


    Sharm Se Aankh Milaate Nahin Dekha Un Ko
    Paar Hoti Hain Kaleje Ke Nigaahen Kyon Kar

    [Daagh]

    *******************************************

    Sharma Gaye, Lajaa Gaye, Daaman Chhuda Gaye
    Aye Ishq Marhaba, Woh Yahaan Tak Toh Aa Gaye

    Moonh Pher Kar Woh Kehte Hain, Bass Maan Jaaiye
    Iss Sharm, Iss Lihaaz Ke Qurbaan Jaaiye

    Sharma Ke Poochhna Vo Kisi Ka Shab-E-Visaal
    Ai Hijr Ab To Dil Ki Tamannaa Nikal Gai

    Mere Junoon-E-Tamanna Ka Kuchh Khyaal Nahin
    Lajaaye Jaate Hain, Daaman Chhudaaye Jaate Hain

    Woh Arz-E-Shauq Par, Ai Kaash Kuchh Na Sahi
    Nigaah Neechi Kiye, Muskuraa Diyaa Karte Hain

    [Jigar Moradabadi]

    *********************************************


    Ik Arz-E-Vafa Bhi Kar Na Sake Kuch Kah Na Sake Kuch Sun Na Sake
    Yaan Ham Ne Zabaan Hi Kholi Thi Vaan Aankh Jhuki Sharmaa Bhi Gaye

    Muskuraa Kar Daal Di Rukh Par Naqaab
    Mil Gayaa Jo Kuchh Ki Milna Tha Javaab

    [Jazbi]

    *******************************************


    Wo Sharmaye Baithe Hain Gardan Jhukaaye
    Ghazab Ho Gaya Ek Nazar Dekh Lena

    [Hasrat Mohani]

    *******************************************


    Uth'ti Nahin Hain Aankh Magar Un Ke Ru-Ba-Ru
    Naa-Deeda Ek Nigaah Kiye Jaa Rahaa Hoon Main

    [Jigar Moradabadi]

    *******************************************


    Ishq-E-Be-Baak Ko Daave The Bahut Khalvat Mein
    Kho Diya Saara Bharam Sharm-O-Hayaa Se Pahle

    [Firaq]

    *******************************************


    Simti Hui Sharmayi Hui Raat Ki Raani
    Soi Hui Kaliyon Ki Haya Tum To Nahin Ho

    [Bashir Badr]

    *******************************************


    Khoob Pardaa Hai Ki Chilaman Se Lage Baithe Hain
    Saaf Chhupte Bhi Nahin Saamane Aate Bhi Nahin

    [Daagh]

    *******************************************


    Parde Parde Mein Ataab Achchhe Nahin
    Aise Andaaz-E-Hijaab Achchhe Nahin

    [Daagh]

    *******************************************


    Uthao Aankh Na Sharmaao Ye To Mahafil Hai
    Ghazab Se Jaanib-E-Aghayaar Dekhte Jaao
    [Daagh]

    **************************************

    Sharm Aur Izzat Vaaliyaan, Hoti Hain Iffat Vaaliyaan,
    Vo Husn Ki Shahzaadiyaan, Parde Ki Hain Aabaadiyaan,

    Chashm-E-Falak Ne Aaj Tak, Dekhi Nahin Un Ki Jhalak,
    Sarmaayaa-E-Sharm-O-Hayaa, Zevar Hai Un Ke Husn Ka,

    Shauhar Ke Dukh Sahti Hain Vo, Munh Se Nahin Kahti Hain Vo,
    Kab Saamne Aati Hain Vo, Ghairat Se Kat Jaati Hain Vo,

    [Hafeez  Jalandhri]

    ********************************


    Yeh Kahaan Ki Baitho Hazaar Mein Tumhein Sharm Aati Thi Chaar Mein
    Yeh To Do Hi Din Ka Hai Maajra Tumhein Yaad Ho Ki Na Yaad Ho

    [Daagh]

    ********************************


    Ishq-E-Bebaak Ko Daave The Bahut Khalavat Men
    Kho Diyaa Saaraa Bharam Sharm-O-Hayaa Se Paha

    [Firaq]

    ********************************


    Ghumza-O-Naz-O-Adaa Sab Main Hai Haya Ka Lagaao
    Haaye Re Bachpan Ki Shokhi Bhi Hai Sharmaai Hui

    Wasl Main Khaali Hui Raqeebon Se Mahfil To Kya
    Sharmaa Bhi Jaaye To Janoon Ke Tanhaai Hoi.

    [Ameer Minai]

    ********************************


    Adab Hai Aur Yahi Kashmakash To Kya Kije
    Haya Hai Aur Yahi Go-Mago To Kyunkar Ho

    [Ghalib]

    ********************************

    No comments:

    Post a Comment

    Mushaira

    Video

    Topic Shayari

    Stats