6 January 2013

Iftikhar Arif - Mere Khuda Mujhe Itna To Mo’tabar Kar De



Iftikhar Arif


Mere Khuda Mujhe Itna To Mo’tabar Kar De
Main Jis Makaan Mein Rahta Hoon Us Ko Ghar Kar De

Ye Raushni Ke Ta’qqub Mein Bhaagta Hua Din
Jo Thak Gaya Hai To Ab Is Ko Mukhtasar Kar De

Main Zindagi Ki Dua Maangne Laga Hoon Bahut
Jo Ho Sake To Duaaon Ko Be-Asar Kar De

Sitara-E-Sahri Doobne Ko Aya Hai
Zara Koi Mere Sooraj Ko Baa-Khabar Kar De

Qabila-Waar Kamaanein Karakne Wali Hain
Mere Lahoo Ki Gawaahi Mujhe Nadar Kar De

Meri Zameen Mera Aakhiri Hawala Hai
So Main Rahoon Na Rahoon Us Ko Baar-Awar Kar De

Main Apne Khwaab Se Kat Kar Jiyun To Mere Khuda
Ujaad De Meri Mitti Ko Dar-Ba-Dar Kar De

 --------------------