• Breaking News

    4 March 2013

    Sahir Ludhianvi - Aqaaid Waham Hain, Mazhab Khayaal-E-Khaam Hai

    Aqaaid Waham Hain

     

    Aqaaid Waham Hain, Mazhab Khayaal-E-Khaam Hai Saaqi
    Azal Se Zehn-E-Insaan Basta-E-Auhaam Hai Saaqi

    Haqeeqat Aashnaai Asl Mein Gum[Kardah Raahi Hai
    Aroos-E-Aagahi Parvardah-E-Ibhaam Hai Saaqi

    Mubaarak Ho Za’eefi Ko Khirad Ki Falsafa-Daani
    Javaabi Be-Niyaaz-E-Ibrat-E-Anjaam Hai Saaqi

    Havas Hogi Aseer-E-Halqa-E-Nek-O-Bad-E-Aalam
    Muhabbat Maavara-E-Fikr-E-Nang-O-Naam Hai Saaqi

    Abhi Tak Raaste Ke Pech-O-Kham Se Dil Dharakta Hai
    Mera Zauq-E-Talab Shaayad Abhi Tak Khaam Hai Saaqi

    Vahaan Bheja Gaya Hoon Chaak Karne Parda-E-Shab Ko
    Jahaan Har Subah Ke Daaman Pe Aks-E-Shaam Hai Saaqi

    Mere Saaghar Mein Mai Hai Aur Tere Haathon Mein Barbat Hai
    Vatan Ki Sarzameen Mein Bhookh Se Kuhraam Hai Saaqi

    Zamana Bar-Sar-E-Paikaar Hai Pur-Haul Sho’lon Se
    Tere Lab Par Abhi Tak Naghma-E-Khayyaam Hai Saaqi


      ----------------------

    Mushaira

    Video

    Topic Shayari

    Stats