• Breaking News

    13 March 2013

    Sahir Ludhianvi- Nazm- 'Subh-e-Nau-Roz'

    Nazm- Subh-e-Nau-Roz


    Phoot Pareen Mashriq Se Kirnein
    Haal Banaa Maazi Ka Fasaana
    Goonjaa Mustaqbil Ka Taraana
    Bheje Hain Ahbaab Ne Tohfe
    Ate Pare Hain Mez Ke Kone
    Dulhan Bani Hui Hain Raahein

     Jashn Manaao Saal-E-Nau Ke

    Nikli Hai Bangle Ke Dar Se
    Ik Muflis Dahqaan Ki Beti
    Afsurdah Murjhaai Hui Hai
    Jism Ke Dukhte Jor Dabaati
    Aanchal Se Seene Ko Chhupaati
    Mutthi Mein Ik Note Dabaaye

     Jashn Manaao Saal-E-Nau Ke

    Bhookhe Zard Gadaa-Gar Bachche
    Kaar Ke Peechhe Bhaag Rahe Hain
    Waqt Se Pahle Jaag Utthey Hain
    Peep Bhari Aankhein Sahlaate
    Sar Ke Phodon Ko Khujlaate
    Vo Dekho Kuchh Aur Bhi Nikle

     Jashn Manaao Saal-E-Nau Ke

    ---------------------

    No comments:

    Post a Comment

    Mushaira

    Video

    Topic Shayari

    Stats