Dost Kyun Ishq Mein Karte Hain Shikaayat Meri
Mujh Pe Kya Zor Kisi Ka Hai, Tabiyat Meri
Yun To Barson Na Pilaaun Na Piyun Zaahid
Tauba Karte Hi Badal Jaati Hai Niy’yat Meri
Tum Nahin, Ghair Sahi, Ghair Nahin Charkh Sahi
Ik Na Ik Fitna Lagaa Rakhti Hai Qismat Meri
Mujh Ko Do Khaam-O-Kartaas Jo Kuchh Likh Jaaun
Likh Chuke Kitaab-E-A’amaal Haqeeqat Meri
Kaun Sa Lab Hai Ki Jis Pe Nahin Shikwa Tera
Kaun Sa Dil Hai Ki Jis Mein Nahin Hasrat Meri
------------------------------
0 Comments