Jaun Elia - Aalam Sa Aalam Hai Ab

Aalam Sa Aalam Hai Ab

Aalam Sa Aalam Hai Ab Tum Yaad Nahin Aatey
Kaisa Qatil Gham Hai Ab Tum Yaad Nahin Aatey

Duniya Y’ani Duniya Ya’ni Meri Dil Duniya
Darham Aur Barham Hai Ab Tum Yaad Nahin Aatey

Ek Be-Haali Si Hai Aise Jo Hai Besh-Az Besh
Halat-E-Dil Kum Kum Hai Ab Tum Yaad Nahin Aatey

Zakm Hain Seene Ke Kajle Aur Sar-E-Shab Sey
Daagh Ki Lau Madham Hai Ab Tum Yaad Nahin Aatey

Ab Hain Tumhari Uljhi Zulfen Suljhana Aasaan
Zulf-E-Shab Bhi Khum Hai Ab Tum Yaad Nahin Aatey

Ab To Bus Rozana ki Yak Taur Ki Haalat Hai
Jo Kuchh Hai Paihum Hai Ab Tum Yaad Nahin Aatey

--------------------------

Post a Comment

0 Comments

–>