Jaun Elia - Dil Ne Vahshat Gali Gali Kar Li

Dil Ne Vahshat Gali Gali Kar Li

Dil Ne Vahshat Gali Gali Kar Li
Ab Gila Kya, Bahut Khushi Kar Li

Yaar, Dil To Bala Ka Tha Ayyaash
Us Ne Kis Tarah Khud-Kushi Kar Li

Nahin Aayenge Apne Bas Mein Ham
Ham Ne Koshish Rahi Sahi Kar Li

Ab To Mujh Ko Pasand Aa Jaao
Main Ne Khud Mein Bahot Kami Kar Li

Ye Jo Haalat Hai Apni Haalat-E-Zaar
Ham Ne Khud Apne Aap Hi Kar Li

Ab Karen Kis Ki Baat Ham Aakhir
Ham Ne To Apni Baat Bhi Kar Li

Qaafila Kab Chale Ga Khwabon Ka
Ham Ne Ek Aur Neend Bhi Kar Li

Us Ko Yaksar Bhula Diya Phir Se
Ya’ni Baat Ki Huyi Kar Li

Aaj Bhi Raat Bhar Ki Be-Khwabi
Dil-E-Be-Daar Ne Khari Kar Li

Kya Khuda Us Se Dillagi Karta
Ham Ne To Us Se Baat Bhi Kar Li

---------------------

Post a Comment

0 Comments

–>