Jaun Elia - Jaan Tere Firaaq Mein

Jaan Tere Firaaq Mein, Shaam Se Shab Jo Ki Gayi
Khoob Sharab Pee Gayi, Aur Kharaab Pee Gayi

Shikwa Jo Hai To Is Ka Hai, Shikwa Nahin Kiya Gaya
Ranj Jo Hai To Is Ka Hai, Baat Faqat Sahi Gayi

Baal-O-Par-E-Nishat Kya, Hum Sey To Us Qafas Ke Beech
Baal-O-Par-E-Khayaal Ki, Zaad Bhi Cheen Li Gayi

Pehloo-E-Ahmareen Kahaan?, Khwaab-E-Zamarrudeen Kahaan
Yaad-E-Pareeda Rang Bhi, Dil Sey Nikaal Di Gayi

Sood-O-Ziyaan To Khair Kya, Un Ki Tameez Hai Ajab
Waisey Isi Tameez Mein, Apni To Zindagi Gayi

Jis Ka Surood-E-Raushni, Mehfil-E-Shab Faroz Tha
Us Dil-E-Daagh Zaar Sey, Apni Hi Raushni Gayi

Afshurda-E-Labaan Tera, Hum Ko Naseeb Kab Hua
Sail Tamaam Zehr Ki, Nazr Dahan Ko Di Gayi

Naaf Peyala Us Ka Tha, ‘Jaun’ Tere Liye, To Sun
Aise Mein Jaam-E-Jam Sey Kyun, Ai Mere Yaar Pee Gayi

----------------------