Mazloom Hasraton Ke Sahaaron Ka Saath Do
Baahar Nikal Ke Seena Figaaron Ka Saath Do
Ek Ma’arka Bahaar-O-Khizaan Mein Hai In Dinon
Sab Kuch Nisaar Kar Ke Bahaaron Ka Saath Do
Tum Ko Hareem-E-Deeda-O-Dil Hai Agar Azeez
Shehron Ke Saath Aao Dayaaron Ka Saath Do
Aabaadion Se Arz Hai, Shehron Se Iltemaas
Is Waqt Apne Kaar-Guzaaron Ka Saath Do
Be-Daar Rah Ke Aakhir-E-Shab Ke Hisaar Mein
Khursheed Ke Jareeda Nigaaron Ka Saath Do
Zakhmon Se Jin Ke Phat Rahi Hai Shuaa-E-Rang
Un Husn-Parwaron Ki Qataaron Ka Saath Do
Roshangaron Ne Khoon Se Jalaayi Hain Mashaalein
Un Mashaalon Ke Surkh Ishaaron Ka Saath Do
Yaaron Ka Ek Hujoom Chala Hai Kafan-Badosh
Hai Aaj Roz-E-Waaqeya Yaaron Ka Saath Do
-----------------------------
Baahar Nikal Ke Seena Figaaron Ka Saath Do
Ek Ma’arka Bahaar-O-Khizaan Mein Hai In Dinon
Sab Kuch Nisaar Kar Ke Bahaaron Ka Saath Do
Tum Ko Hareem-E-Deeda-O-Dil Hai Agar Azeez
Shehron Ke Saath Aao Dayaaron Ka Saath Do
Aabaadion Se Arz Hai, Shehron Se Iltemaas
Is Waqt Apne Kaar-Guzaaron Ka Saath Do
Be-Daar Rah Ke Aakhir-E-Shab Ke Hisaar Mein
Khursheed Ke Jareeda Nigaaron Ka Saath Do
Zakhmon Se Jin Ke Phat Rahi Hai Shuaa-E-Rang
Un Husn-Parwaron Ki Qataaron Ka Saath Do
Roshangaron Ne Khoon Se Jalaayi Hain Mashaalein
Un Mashaalon Ke Surkh Ishaaron Ka Saath Do
Yaaron Ka Ek Hujoom Chala Hai Kafan-Badosh
Hai Aaj Roz-E-Waaqeya Yaaron Ka Saath Do
-----------------------------
0 Comments