Taqdeer Shayari

Kis Tarah Paaya Tujhe Phir Kis Tarah Khoya Tujhe
Mujh Saa Munkir Bhi To Qaayal Ho Gaya Taqdeer Ka

[Ahmed Faraz]

******************************


Is Zindagi Se Ham Ko Na Duniya Mili Na Deen
Taqdeer Ka Mushaahida Karte Guzar Gai

[Tilok Chand Mehroom]

******************************


Kyon ‘Munir’ Apni Tabaahi Ka Ye Kaisa Shikva
Jitna Taqdeer Mein Likha Hai Ada Hota Hai

[Munir Niazi]

******************************


Taqdeer Ka Shikva Be-Ma’ni Jeena Hi Tujhe Manzoor Nahin
Aap Apna Muqaddar Ban Na Sake Itna To Koi Majaboor Nahin

[Majrooh Sultanpuri]

******************************


Deevaana Banaana Hai To Divaana Banaa De
Varna Kahin Taqdeer Tamaasha Na Banaa De

[Behzad Lucknawi]

******************************


Laakhon Ki Suna Tum Ne Taqdeer Sanvaari Hai
Mujh Se Yahi Kah Dete Ab Ke Teri Baari Hai

[Syed Shafaq Shah Chishti]

******************************


Rusvaai To Vaise Bhi Taqdeer Hai Aashiq Ki
Zillat Bhi Mili Ham Ko Ulfat Ke Fasaane Se

[Saeed Rahi]

******************************


Taqdeer Ke Chehre Ki Shikan Dekh Raha Hoon
Aaina-E-Haalaat Hai Duniyaa Teri Kyaa Hai

[Sagar Siddiqui]

******************************


Khudi Ko Kar Buland Itana Ki Har Taqdeer Se Pahle
Khuda Bande Se Khud Poochhe Bata Teri Razaa Kya Hai

[Allama Iqbal]

*******************************


Ham Kisi Zulf-E-Parishaan Ki Tarah Aye Taqdeer
Khoob Bigde The Magar Khoob Saanwara Ham Ko

[Daagh Dehlvi]

******************************