Aansoo Shayari

Tears of sorrow



Aankhon Mein Nami Si Hai, Chup Chup Se Woh Baithe Hain
Naazuk Si Nigaahon Mein Nazuk Sa Fasaana Hai

[Jigar Moradabadi]

*************************************


Be-Dard Zamaane Ka Bahaana Sa Banaa Kar
Hum Toot Ke Rote Hain Teri Yaad Mein Aksar

[Nasir kazmi]

*************************************


Tamaam Shab Yun Hi Dekhen Gi Soo-E-Dar Ankhen
Tujhe Ganwaan Kar Na Soyen Gi Umr Bhar Aankhen

*************************************


Hansne Ki Justju Mein Dabaaya Jo Dard Ko,
Aansoo Hamari Aankh Mein Pathar Ke Ho Gaye

*************************************


Ai Khuda Log Banaaye They Patthar Ke Agar,
Mere Ehsas Ko Sheeshe Sa Na Banaaya Hota

*************************************


Aansoo Bhi Meri Aankh Ke Ab Khushk Ho Gaye,
Tu Ne Mere Khuloos Ki Qeemat Bhi Chheen Li

[Shakeel Badayuni]

*************************************


Likhna To Tha Ke Khush Hoon Tere Baghair Bhi,
Aansoo Magar Qalam Se Pehle Hi Gir Gaye

*************************************


Raat Meri Aankh Mein Ek Sailaab Tha,
Tera Chehra Dekhna Tha Ki Tabiyat Bhar Gai.

*************************************


Saleeqa Ho Agar Bheegi Palkon Ko Padhne Ka,
To Behte Huwe Aansoo Aksar Baat Karte Hain

*************************************


Hawa Se Lapati Huwi Siskion Se Lagta Hai,
Meri Kahaani Kisi Aur Ne Bhi Dohraai.

*************************************


Falak Tha Jin Ki Nigaahon Mein Manzil-E-Yak-Gaam,
Chaman Mein Aaj Wo Rote Hain Baal-O-Par Ke Liye.

*************************************


Faasle Aise Bhi Hon Ge Ye Kabhi Sochaa Na Tha,
Saamne Baitha Tha Mere Aur Woh Meraa Na Tha.

[Adeem Hashmi]

*************************************


Ghairon Se Kaha Tum Ne Ghairon Se Suna Tum Ne,
Kuch Hum Se Kaha Hota Kuch Hum Se Suna Hota.

*************************************


Na Pooch Kyon Meri Aankhon Mein Aa Gaey Aansoo,
Jo Tere Dil Mein Hai Us Baat Par Nahin Aaye.

*************************************


Guzra Hai Muhabbat Mein Kuch Aisa Bhi Zamaana,
Rootha Hoon Agar Main To Manaayaa Hai Kisi Ne.

*************************************


Ghar Ki Ta’ameer Chaahe Jaisi Ho,
Us Mein Rone Ki Kuch Jagah Rakhna.

*************************************


Doobna Hi Tha Jo Kashti Ka Muqaddar Yaa-Rab,
Aankh Ke Saamne Ai Kaash Na Saahil Hota.

*************************************


Hayaat Ik Mustaqil Gham Ke Siwa Kuchh Bhi Nahin Shaayad,
Khushi Bhi Yaad Aati Hai To Aansoo Ban Ke Aati Hai.

*************************************


Taaq-E-Masargan Pe Larazte Rahe Ashkon Ke Charaagh,
Kis Takalluuf Se Hanse Aaj Ye Hansne Waale.

*************************************


Zaroorat Hai Hamen Ai Dil Lahoo Ke Chand Qatron Ki,
Kisi Ke Naam Maktoob-E-Wafa Tehreer Karnaa Hai.

*************************************


Zabt-E-Gham Ab To Patthar Kar Dia Warna ‘Faraz’
Dekhta Koi Ke Dil Ke Zakhm Jab Aankhon Mein The

*************************************


Zabt Se Ahad Baandh Rakha Tha,
Aur Phir Bhi Bikhar Gaye Aansoo.

*************************************


Sirf Chehre Ki Udaasi Par Aaye Ansoo,
Dil Ka Aalam To Abi Aap Ne Dekha Hi Nahin.

*************************************


Saif Ye Din To Qayamat Ki Tarah Guzra Hai,
Jaane Kya Baat Thi Har Baat Par Rona Aaya

*************************************


Sabab Har Ek Mujh Se Poochta Hai Mere Rone Ka,
Ilaahi Saari Duniya Ko Main Kaise Raazdaan Kar Loon.

*************************************


Ragon Mein Daudte Phirne Ke Hum Nahin Qaayal,
Jab Aankh Hi Se Na Tapka To Phir Lahoo Kya Hai.

*************************************


Raat Ke Saath Huwa Khatm Sitaaron Ka Safar,
Apne Ashkon Ki Bhi Ab Shammah Bujha Deejiye.

*************************************


Raat Bhar Aankhon Mein Us Ka Mar- Mareen Paikar Raha,
Chandni Ke Jhilmilaane Mein Nami Us Ki Bhi Thi.

*************************************


Doobe Huwe Taaron Pe Main Kya Ashk Bahaata,
Chadhte Huwe Sooraj Se Meri Aankh Ladi Thi.

*************************************


Hausla Tujh Ko Na Tha Muhj Se Juda Hone Ka,
Warna Kaajal Teri Aankhon Mein Na Phaila Hota.

*************************************


Chand Aansoo Hain Nadaamat Ke Meri Aankhon Mein,
Aur To Kuch Bhi Nahin Mujh Se Gunah-Gaar Ke Paas.

*************************************


Jin Ke Honton Pe Tarab-Khez Hansi Hoti Hai,
Wo Bhi Rote Hain Kitaabon Mein Chhupa Kar Chehre.

*************************************


Saqib Badi Tauqeer Hai Is Zabat-E-Wafa Mein,
Har Ashk Jo Aankhon Se Na Tapke Wo Gohar Hai.

*************************************


Toota Nahin Ashkon Se Abhi Zabt Ka Pushta,
Paani Abhi Khatre Ke Nishaan Tak Nahin Aayaa.

*************************************


Theek Hai Ai Zabt-E-Gham Aansoo Koi Tapka Nahin,
Par Ye Dil Se Aankh Tak Paiham Safar Mein Kaun Hai.

*************************************


Tooti Faseel-E-Lab Na Dar-E-Chashm Waa Huwa,
Ghut Ghut Ke Mar Gayaa Mere Andar Ka Aadmi.

*************************************


Tujhe To Zabt-E-Muhabbat Ka Itna Da’awa Tha,
Ye Ashk Kaise Teri Aankh Se Dhalak Aayaa.

*************************************


Wo Har Baar Zid Mein Rone Lagtaa Hai,
Main Har Baar Us Se Haar Jaataa Hon.

*************************************


Woh Kehte They Ke Rone Se Na Badlenge Naseeb
Un Ki Iss Baat Ne Phir Umr Bhar Roone Na Diyaa

*************************************


Uss Ki Jafaaaon Ne Mujhe Tahzeeb Sikha Di Hai Mohsin,
Main Rote Huwe So Jaaata Hoon Par Shikwa Nahin Karta

*************************************


Main Hans Ke Jhel Leta Hoon Judai Ki Sabhi Rasmein
Gale Jab Us Ke Lagta Hoon To Aankhen Bheeg Jaati Hain

[Jaan Nisar Akhtar]

*************************************


Jub Se Dekhi Hain Wo Bheegi Huwi Aankhein …
Hanste Chehron Pe Bhi Rone Ka Gumaan Hota Hai

*************************************


Guzar Hi Jaaye Gi Tere Baghair Bhi Lekin
Bahut Udaas Bahut Be-Qaraar Guzre Gi

*************************************


Tumhara Dil Kabhi Pighle Agar Gham Ki Haraarat Se.
Tumhein Ma’aloom Ho Jaaye Ga Rona Kis Ko Kehte Hain.

*************************************


Chupke Chupke Raat Din Aansoo Bahanaa Yaad Hai
Ham Ko Ab Tak Aashiqi Kaa Wo Zamaanaa Yaad Hai

[Hasrat Mohani]

*************************************


Badi Muddat Se Tanha The Mere Dukh
Khudaaya, Mere Aansoo Ro Gaya Kaun

Jidhar Dekhun Khadi Hai Fasl-E-Girabh
Mere Shahron Mein Aansoo Bo Gaya Kaun

[Parveen Shakir]

*************************************


Meri Aankhon Mein Aansoo Hain Na Hothon Pe Tabassum Hai
Samajh Mein Kya Kisi Ki Aaye Gi Tarz-E-Fughaan Meri

[Shamsi Minai]

*************************************


Main To Us Waqt Se Darta Hun Ki Woh Pooch Na Lein
Yeh Agar Jabr Ka Aansoo Hai To Tapka Kaise

[Ahmad Nadeem Qasmi]

*************************************


Haseenon Ke Rone Pe Hanste The Ham
Kabhi Ek Aansoo Bahaayaa Na Thaa

Haseenon Ke Rone Pe Hanste The Ham
Kabhi Ek Aansoo Bahaayaa Na Thaa

[Akhtar Sheerani]

*************************************


Meri Aankhon Mein Aansoo Aa Gaye, Naa-Deedah Aankhon Ke
Mere Dil Mein Koi Ghamgeen Naghma Sarsaraataa Hai

[Sahir Ludhianvi

*************************************


Ek Aansoo Kah Gayaa Sab Haal Dil Kaa,
Main Samjhaa Tha Ye Zaalim Be-Zubaan Hai

[Khumar Barabankvi]

*************************************


Roodaad-E-Gam-E-Ulfat Un Se Ham Kyaa Kahate Kyonkar Kahate
Ek Harf Na Nikalaa Hothon Se Aur Aankh Men Aansoo Aa Bhi Gaye

[Majaz]

*************************************


Aap Ki Ankhon Main Ye Aansoo Kahan Se Aa Gaye
Hum To Diwaane Hain Lekin Aap Ko Ye Kya Huwa

[Iqbal Azeem]

*************************************


Bhar Aaye Phool Ke Aansoo Payaam-E-Shabnam Se
Kali Ka Nanha Sa Dil Khoon Ho Gayaa Ghamm Se

[Allama Iqbal]

*************************************


Chashm-E-Dil Ke Sab Aansoo Is Hawa Mein Khil Utthe
Shaakhsaar-E-Mizgaan Par Rut Gulaab Ki Aayi

[Parveen Shakir]

*************************************


Ai Josh-E-Giriyaa Dekh Na Karnaa Khajil Mujhe,
Aankhen Meri Zaroor Hain, Aansoo Paraaye Hain,

[Khumar]

*************************************


Meri Tasveer Aankh Kaa Aansoo
Meri Tahreer Jism Kaa Jadoo

[Nida Fazli]

*************************************


Shaadi Mein Kuchh Gham Ke Pahloo Nikal Aate Hain
Be-Saakhta Hansne Mein Aansoo Nikal Aate Hain

[Saaqib]

*************************************


Us Ne Chhoo Kar Mujhe Patthar Se Phir Insaan Kiya
Muddaton Baad Meri Aankh Me Aansoo Aaye

[Basheer Badr]

*************************************


Jise Le Gai Hai Abhi Hawa Wo Waraq Tha Dil Ke Kitab Ka
Kahin Aansuon Se Mita Hua Kahin Aansuon Se Likha Hua

[Basheer Badr]

*************************************


Aansoo Kabhi Palkon Par Der Tak Nahi Rukte
Udd Jate Hain Ye Panchi Jab Shaakh Lachakti Hai

[Basheer Badr]

*************************************


Chamakti Hai Kahin Sadiyon Mein Aansuon Ki Zamin
Gazal Ke Sher Kahan Roz Roz Hote Hain

[Basheer Badr]

*************************************


Ik Ye Din Jab Laakhon Gham Aur Kaal Padaa Hai Aansoo Kaa
Ik Vo Din Jab Ek Zaraa Si Baat Pe Nadiyaan Bahti Thin

[Javed Akhtar]

*************************************


Koi Aansoo Tere Daaman Par Giraakar
Boond Ko Moti Banaanaa Chaahataa Hoon

[Qateel Shifai]

*************************************


Kya Surma Bhari Aankhon Se Aansoo Nahin Bahte
Kya Mehndi Lage Haathon Se Maatam Nahin Hotaa

[Riaz Khairabadi]

*************************************


Aankh Men Aansoo Jhade The Par Sada Tujh Ko Na Di,
Is Tawaqqo Par Ki Shaayad Too Palat Kar Dekhta,

[Ahmad Faraz]

*************************************


Labon Pe Narm Tabassum Rachaa Ke Dhul Jaayen
Khudaa Kare Mere Aansoo Kisi Ke Kaam Aayen

[Ahmad Nadeem Qasmi]

*************************************


Wo Tak Rahe The Hamin Hans Ke Pi Gaye Aansoo
Wo Sun Rahe The Hamin Kah Sake Na Afasaane

[Majrooh]

*************************************


Kaun Ponchhe Meri Aankhon Ke Sulagte Aansoo
Kaun Uljhe Hue Baalon Ki Girah Suljhaaye

[Sahir Ludhianvi]

*************************************


Haseen Teri Aankhen, Haseen Tere Aansoo
Yehin Doob Jaane Ko Jee Chaahta Hai

[Jigar Moradabadi]

*************************************


Aansu To Bahot Se Hain Aankhon Mein ‘Jigar’ Lekin
Bindh Jaye So Moti Hai Rah Jaye So Daana Hai

*************************************


Na Jaane Aah! Ki Un Aansuon Pe Kya Guzri
Jo Dil Se Aankh Tak Aaye Mizgaan Tak Aa Na Sake

[Josh Malihabadi]

*************************************


Sirf Ashk-O-Tabassum Mein Uljhe Rahe
Hum Ne Dekha Nahin Zindagi Ki Taraf

Jaane Wo Multafit Hon Kidhar Bazm Mein
Aansuon Ki Taraf Ya Hansi Ki Taraf

[Ehsaan Danish]

*************************************


Lahu Na Ho To Kalam Tarjumaan Nahin Hota
Hamaare Daur Mein Aansu Zuban Nahin Hota

[Wasim Barelvi]

*************************************


Tum Apni Yaad Bhi Dil Se Bhula Jaate To Achha Tha
Yeh Do Aansoo Lagi Dil Ki Bhuja Jaate To Achha Tha

[Jaan Nisar Akhtar]

*************************************


Kuchh Yaad Kar Ke Aankh Se Aansoo Nikal Pade
Muddat Ke Baad Guzre Jo Us Gali Se Ham

[Nawab Saeed]

*************************************


Vo Raaz Hai Ye Gham Aah Jise
Paa Jaaye Koi To Khair Naheen

Aankhon Se Jab Aansoo Bahte Hain
Aa Jaaye Koi To Khair Naheen

[Adam]

*************************************


Aansoo Nikal Rahe Hain Ban Ke Tasavvur Mein Phool
Shaadaab Ho Rahaa Hai Gulistaan-E-Aarzoo

[Akhtar Shirani]

*************************************


Dard Seene Se Uthaa Aankh Se Aansoo Nikle
Raat Aai To Ghazal Kahne Ke Pahle Nikle

[Unknown]

*************************************


Itna To Zindagi Mein Kisi Ke Khalal Pade
Hansane Se Ho Sukun Na Rone Se Kal Pade

Jis Tarah Hans Raha Hun Main Pi-Pi Ke Ashk-E-Gam
Yun Doosra Hanse To Kaleja Nikal Pade

Muddat Ke Ba’d Us Ne Jo Ki Lutf Ki Nigah
Jee Khush To Ho Gaya Magar Aansu Nikal Pade

[Kaifi Azmi]

*************************************

Post a Comment

0 Comments

–>