Aansoo Shayari

Best Aansoo Shayari: Emotional Poetry on Tears

Aankhon Mein Nami Si Hai, Chup Chup Se Woh Baithe Hain
Naazuk Si Nigaahon Mein Nazuk Sa Fasaana Hai

[Jigar Moradabadi]

Be-Dard Zamaane Ka Bahaana Sa Banaa Kar
Hum Toot Ke Rote Hain Teri Yaad Mein Aksar

[Nasir Kazmi]

Aansoo Bhi Meri Aankh Ke Ab Khushk Ho Gaye,
Tu Ne Mere Khuloos Ki Qeemat Bhi Chheen Li

[Shakeel Badayuni]

Saleeqa Ho Agar Bheegi Palkon Ko Padhne Ka,
To Behte Huwe Aansoo Aksar Baat Karte Hain

[Unknown]

Likhna To Tha Ke Khush Hoon Tere Baghair Bhi,
Aansoo Magar Qalam Se Pehle Hi Gir Gaye

[Unknown]

Ragon Mein Daudte Phirne Ke Hum Nahin Qaayal,
Jab Aankh Hi Se Na Tapka To Phir Lahoo Kya Hai

[Mirza Ghalib]

Ek Aansoo Kah Gayaa Sab Haal Dil Kaa,
Main Samjhaa Tha Ye Zaalim Be-Zubaan Hai

[Khumar Barabankvi]

Us Ne Chhoo Kar Mujhe Patthar Se Phir Insaan Kiya
Muddaton Baad Meri Aankh Me Aansoo Aaye

[Bashir Badr]

Aansoo Kabhi Palkon Par Der Tak Nahi Rukte
Udd Jate Hain Ye Panchi Jab Shaakh Lachakti Hai

[Bashir Badr]

Aankh Men Aansoo Jhade Thye Par Sada Tujh Ko Na Di,
Is Tawaqqo Par Ki Shaayad Too Palat Kar Dekhta

[Ahmad Faraz]

Chupke Chupke Raat Din Aansoo Bahanaa Yaad Hai
Ham Ko Ab Tak Aashiqi Kaa Wo Zamaanaa Yaad Hai

[Hasrat Mohani]

Muddat Ke Ba’d Us Ne Jo Ki Lutf Ki Nigah
Jee Khush To Ho Gaya Magar Aansu Nikal Pade

[Kaifi Azmi]

More Shayari Topics

Gham (Sadness) Tanhaai Khalish Raqeeb Zindagi

Famous Urdu Poets

Bashir Badr Nasir Kazmi Ahmad Faraz Khumar Barabankvi Sahir Ludhianvi Jan Nisar Akhtar Ahmad Nadeem Qasmi